|
|
 |
|
|
 |
| Մեր մասին |  | "Դիլիջանի երիտասարդների համագործակցության կենտրոնը" ("ԴԵՀԿ" ՀԿ) ոչ կառավարական, հասարակական կազմարեպություն է, որի առաքելությունն է` բարձրացնել երիտասարդների քաղաքացիական մասնակցությունը հանուն համայնքային զարգացման:
"Դիլիջանի երիտասարդների համագործակցության կենտրոն" հասարակական կազմակերպությունը գործում է 2006 թվականից, և ՀՀ Արդարադատության նախարարությունում գրանցվել է 2008թ. սեպտեմբերի 2-ին:
Կազմակերպության թիրախային խումբ են հանդիսանում մասնավորապես ՀՀ հյուսիսային Տավուշ, Շիրակ և Լոռի մարզերի 13-30 տարեկան, գյուղական /ոչ քաղաքային/ համայնքներում բնակվող երիտասարդները, որոնք ունեն տարբեր կրթական, սոցիալական, ընտանեկան ու մասնագիտական մակարդակներ:
"Դիլիջանի երիտասարդների համագործակցության կենտրոն"-ը իր առաքելությունն իրականացնելու համար ՀԿ գործունեության ողջ ընթացքում իրականացրել է մի շարք կրթական, երիտասարդական և քաղաքացիական ծրագրեր:
ԴԵՀԿ ՀԿ-ն աշխատում է տեղական, տարածաշրջանային, ինչպես նաև միջազգային կազմակերպությունների և հիմնադրամների հետ: "ԴԵՀԿ" ՀԿ-ն սերտ համագործակցուծ է Տավուշի մարզում գործող քաղաքացիական ակտիվ խմբերի հետ` նպաստելով ու աջակցելով երիտասարդական քաղաքացիական մասնակցության բարձրացմանը: |
| Նպատակներ |  |
- նպաստել քաղաքացիական հասարակության զարգացման գործընթացներին երիտասարդության ներգրավվածության աստիճանի բարձրացմանը,
- նպաստել համայնքում երիտասարդական քաղաքացիական ակտիվ խմբերի ձևավորմանը` նրանց ինքնուրույն մասնակցությունը հասարակական-քաղաքական գործընթացներին համայնքում ապահովելու համար,
- խթանել մարդու իրավունքների վերաբերյալ գիտելիքների և ժողովրդավարական արժեքների տարածմանը, քաղաքացիական իրավագիտակցության բարձրացմանն ու խորացմանը, հասարակության տարբեր շերտերի միջև փոխըմբռնման և հանդուրժողականության ամրապնդմանը,
- օժանդակել տարածաշրջանային և միջազգային բազմաբնույթ ծրագրերում համայնքի երիտասարդության անմիջական ներգրավվմանը` նրանց ներուժի օգտագործման և մասնագիտական կարողությունների ու հմտությունների զարգացման նպատակով,
- նպաստել ստեղծել երիտասարդ սերնդի ինքնադրսևորման և ինքնահաստատման համար պայմանների ստեղծմանը, աջակցել ներդաշնակ զարգացած, ժամանակակից աշխարհայացք, բարոյական ու ազգային վեհ գաղափարներ կրող երիտասարդ սերնդի ձևավորմանը,
- նպաստել երիտասարդության մոտ օրինակելի վարքագծի արմատավորմանը, ազգային ու համաշխարհային մշակույթի հանդեպ հետաքրքրության աճին, քաղաքակիրթ հասարակություններին բնորոշ նորմերի սերմանմանը` առաջնորդվելով մարդասիրական գաղափարներով,
- նպաստել երիտասարդությանն ուղղված համայնքային ռազմավարական քաղաքականության մշակմանը` ներգրավելով տեղական ինքանկառավարման և մարզային կառավարման մարմիններին, տարածաշրջանային ու միջազգային կազմակերպություններին,
- նպաստել երիտասարդությանը միտված տարածաշրջանային ու համայնքային ծրագրերի իրականացմանը և յուրաքանչյուր անհատի մասնակցության ապահովմանը կենսագործունեության բոլոր ոլորտներում,
- նպաստել երիտասարդների բնապահպանական ու աշխարհաքաղաքական հիմնախնդիրների վերաբերյալ գիտելիքների խորացմանը` հասարակության լայն շրջանակների ուշադրությունը սևեռելով արդի հիմնախնդիրների վրա,
- արժևորել և զարգացնել երիտասարդների մասնակցությամբ ոչ ֆորմալ կրթությունը, որպես մարդու իրավունքների կրթության առանձին ձև,
- նպաստել երիտասարդության բավարար հմտություններ ստանալուն` ժամանակակից մարտահրավերներին դիմակայելու նպատակով,
- աջակցել բարձր պատասխանատվությամբ, ապագայի հանդեպ լավատեսությամբ օժտված և ազգային ու համամարդկային գաղափարներ ընդունող քաղաքացու դաստիարակմանը,
- նպաստել միջմշակութային և տեղեկատվական ժամանակակից ցանցի ձևավորմանը` որպես տարբեր տարածաշրջանների երիտասարդների փորձի փոխանակման ու համագործակցության կաևոր նախապայման,
- Հայաստանի Հանրապետության տարածաշրջանային զարգացման նպատակով հաստատել և ամրապնդել կապերը տեղական և միջազգային կազմակերպությունների, ժողովրդավարական ինստիտուտների հետ,
- երիտասարդությանը մասնակից դարձնել եվրոպական հասարակական, մշակութային և քաղաքական զարգացումներին, կարևորել եվրոպական քաղաքակրթությանը Հայաստանի Հանրապետության ինտեգրացիոն գործընթացները` երկրում եվրոպական չափանիշներով կայուն հասարակություն կառուցելու համար,
- նպաստել կազմակերպության անդամների ինքնուրույն մասնագիտական գործունեության կատարելագործմանը և նրանց որակավորման բարձրացմանը:
|
| Խնդիրներ |  |
- իրականացնել երիտասարդական ուսուցողական և դաստիարակչական բազմաբնույթ ուղղորդող ծրագրեր,
- ակտիվ մասնակցություն ունենալ տարածաշրջանային զարգացմանը նպաստող ծրագրերին,
- երիտասարդությանն ուղղված ծրագրային առաջարկներով հանդես գալ տեղական և մարզային իշխանություններում և աջակցել դրանց իրականացմանը,
- կազմակերպել համաժողովներ, կլոր սեղաններ, սեմինարներ, տարածաշրջանային և միջազգային երիտասարդական ճամբարներ, փառատոններ և հասարակական այլ միջոցառումներ,
- իրականացնել մարդկային կայուն զարգացմանն ու բնապահպանական խնդիրներին օժանդակող գործունեություն,
- հանդես գալ հասարակական կյանքի տարբեր ոլորտներին վերաբերվող օրենսդրական նախաձեռնություններով,
- իրականացնել հասարակական տարբեր խավերի շահերի պաշտպանությանն ուղղված գործողություններ,
- իրականացնել մարդու իրավունքների, ժողովրդավարության և տարբեր հիմնախնդիրների վերաբերյալ մասսայական իրազեկման աշխատանքներ, հրատարակել տեղեկատվական բրոշյուրներ ու պոստերներ, աջակցել կազմակերպության անդամների գիտական և մեթոդական աշխատանքների հրապարակմանը, համագործակցել տպագիր ու էլեկտրոնային, հեռուստատեսային զանգվածային լրատվամիջոցների հետ,
- կապեր հաստատել և համագործակել ՀՀ պետական կառավարման և տեղական ինքնակառավարման մարմինների, տեղական և միջազգային կազմակերպությունների հետ,
- արձագանքել հասարակության շահերը շոշափող հասարակական-քաղաքական իրադարձություններին ու խնդիրներին,
- պաշտպանել կազմակերպության անդամների շահերը տարբեր ատյաններում, մշակել կազմակերպության շահերի կոլեկտիվ պաշտպանության համակարգ,
- լայնորեն օգտագործել տեղական և օտարերկրյա երիտասարդության, կամավորների և կանանց ներուժը կազմակերպության նպատակներին հասնելու համար:
|
|
|
|
|
|
